«Հավաքի նպատակը դատավորի նկատմամբ ճնշում գործադրելն է». փաստաբանը կոչով դիմել է երկրի ղեկավարներին և իրավապահ մարմիններին
918 Շաբաթ, 18 մայիսի, 2019 թ., 12:45 Ինչպես տեղեկացրել էինք, այսօր Ռոբերտ Քոչարյանի պաշտպան Հայկ Ալումյանը հրավիրած ասուլիսի ժամանակ անդրադարձել է ԱԺ «Իմ քայլը» խմբակցության պատգամավոր Հայկ Սարգսյանի ֆեյսբուքյան գրառմանը՝ որակելով այն «սահմանադրական կարգը տապալելու կոչ»: Ասուլիսի ընթացքում նա կոչով դիմել է պետության ղեկավարներին, իրավապահ մարմիններին: Դիմելով ՀՀ նախագահ Արմեն Սարգսյանին, Ալումյանը ասել է. «Մեծարգո պարոն Սարգսյան, ես Ձեզ կոչ եմ անում կատարել սահմանադրությամբ Ձեզ վրա դրված պարտականությունը, այն է՝ ապահովել սահմանադրական կարգը: Իսկ այն ինչ պարոն Հայկ Սարգսյանը հրապարակել է իր ֆեյսբուքյան էջում և այն ինչ հիմա ամբողջ ֆեյսբուքում իրենց կողմնակիցների կողմից տարածվում է և հավանության է արժանանում, սա ոչ այլ բան է, քան սահմանադրական կարգը տապալելու ուղիղ կոչ»: Դիմելով ՀՀ գլխավոր դատախազ Արթուր Դավթյանին՝ նա կոչ է արել Հայկ Սարգսյանի վերոնշյալ հայտարարությունը ընդունել որպես հաղորդում հանցագործության մասին. «Կոչ եմ անում հարուցել նաև քրեական գործ այն փաստի առթիվ, որ ոմն անձ փորձ է կատարում ճնշում գործադրել դատարանի նկատմամբ՝ իրեն ցանկալի դատական ակտը ստանալու նպատակով»: Նա կոչով դիմել է նաև ՀՀ ոստիկանապետ Վալերիյ Օսիպյանին. «Անհապաղ միջոցներ ձեռնարկել, որպեսզի այս հավաքը տեղի չունենա, որովհետև այս հավաքի նպատակը խաղաղ նպատակ չէ. ակնհայտորեն այս հավաքի նպատակը հայտարարագրվել է որպես դատավորի նկատմամբ ճնշում գործադրելու նպատակ: Եվ այս հավաքը ուղղակի իրավունք չունի տեղի ունենալ»: Քոչարյանի պաշտպանը կոչով դիմել է նաև ՀՀ վարչապետ Նիկոլ Փաշինյանին՝ կանխել սպասվող զարգացումները: «Թույլ չտալ, որ Ձեր կողմնակիցները, այդ թվում նաև՝ Ձեր անունից և առնվազն Ձեր թույլտվությամբ, կատարեն այն ինչ պարոն Հայկ Սարգսյանը նշել է իր կոչի մեջ: Ալումյանը նաև կոչով դիմել է ԲԴԽ նախագահ Գագիկ Հարությունյանին, որ վերջինը կատարի ԲԴԽ-ի լիազորությունների մեջ մտնող իր պարտականությունները: |
«Այս ********ը կարմիր բերետավորների հրամանատար Հայկազ Ջոմարդյանն է»․ Նաիրի Հոխիկյան
11102:30«Չկա մի կետ, որտեղ նիկոլն ու ալիևը կանգնելու են»․ Վարազդատ Հարությունյան
9401:30«Հայաստանը տարածաշրջանում դարձյալ «մենակ» է»․ Սուրեն Սուրենյանց
8801:18«Ամենակարևորը չի ասել»․ Լիզա Ճաղարյան
11200:24«Ընդդիմությունն ու Փաշինյանը նույն տեղից են հրահանգներ ստանում»․ Ոսկան Սարգսյան
9700:18«Արևմուտքն առաջարկում է ատոմակայանը փակել»․ Արամ Մանուկյան (տեսանյութ)
103Երեկ, 23:24Իսրայելը մեկ շաբաթ ժամանակ է տվել հրադադարի առաջարկն ընդունելու համար
223Երեկ, 22:00«ՀայաՔվե»-ն հանցագործության մասին հաղորդում է ներկայացրել դատախազություն
130Երեկ, 19:18