Ուրբաթ, 22 սեպտեմբերի, 2023 թ.
|
Ստեփանակերտում`   +18 °C

«Որպեսզի հասկանաք, թե ինչ է սա նշանակում, բավական է նայել կից քարտեզին». Վարուժան Գեղամյան

«Որպեսզի հասկանաք, թե ինչ է սա նշանակում, բավական է նայել կից քարտեզին». Վարուժան Գեղամյան
293
Ուրբաթ, 31 մայիսի, 2019 թ., 18:05

Թուրքագետ Վարուժան Գեղամյանը ֆեյսբուքյան իր էջում գրել է. «Մինչ մենք կենտրոնացած ենք ներքաղաքական ինտրիգների վրա, մեզանից ընդամենը 400 կմ հեռավորության վրա գտնվող Սիրիայում շատ հետաքրքիր գործընթացներ են տեղի ունենում։ Դրանցից առանձնացնեմ այս մեկը։
Ապրիլի վերջին հայտնի դարձավ, որ Թուրքիան բետոնե պատ է կառուցում Սիրիայի հյուսիս-արևմուտքի Աֆրինի շրջանի սահմանով մեկ, որը կկտրի վերջինս Սիրիայի մնացյալ հատվածից։
Որպեսզի հասկանաք, թե ինչ է սա նշանակում, բավական է նայել կից քարտեզին։ Աֆրինը սահմանակից է Թուրքիայի Հաթայ նահանգին, որի նահանգապետը, իմիջիայլոց, նաև հանդիսանում է գրավված Աֆրինի վարչական ղեկավարը։
Աֆրինը նվաճվել է Թուրքիայի Զինված ուժերի կողմից 2018թ. գարնանը՝ «Ձիթենու ճյուղ» ռազմագործողության ընթացքում և ամբողջությամբ գտնվում է Թուրքիայի վերահսկողության ներքո։ Այնտեղ փաստացի ստեղծվում է թուրքական պրոքսի պետություն»։