Ուրբաթ, 20 սեպտեմբերի, 2019 թ.
|
Ստեփանակերտում`   +14 °C

ԱՄՆ-ն ԵՄ-ին վերջնագիր է ներկայացրել. El Pais

ԱՄՆ-ն ԵՄ-ին վերջնագիր է ներկայացրել. El Pais
164
Երկուշաբթի, 03 հունիսի, 2019 թ., 12:20

ԵՄ-ն պետք է այնպես փոփոխի իր պաշտպանական քաղաքականությունը, որպեսզի այն սերտորեն կապված լինի ԱՄՆ-ի հետաքրքրությունների հետ: Իսպանական El Pais թերթի հաղորդմամբ, Եվրոպական միությանը նման վերջնագիր է ներկայացրել ամերիկյան կողմը:

Աղբյուրի համաձայն՝ մայիսի 22-ին Վաշինգթոնում եվրոպական երկրների ներկայացուցիչների հետ հանդիպման ժամանակ ԱՄՆ պետդեպարտամենտի եվրոպական և եվրասիական հարաբերությունների բյուրոյի ներկայացուցիչ Մայքլ Մյորֆին ԱՄՆ-ի դժգոհությունն է արտահայտել Եվրոպական պաշտպանության հիմնադրամի հետագա չափանիշների և ԵՄ-ի անվտանգության և պաշտպանության հարցերով մշտական կառուցվածքային համագործակցության ծրագրերի վերաբերյալ: «Երբ ճգնաժամ սկսվի և ձեր պաշտպանությունը ձախողվի, ձեր քաղաքացիներն այնքան էլ տպավորված չեն լինի այն հանգամանքով, որ ձեռք բերված սպառազինությունը միայն եվրոպական երկրներից է»,- մեջբերում է Մյորֆիին աղբյուրը: ԱՄՆ-ն մտահոգություն է հայտնել նոր չափանիշների եվրոպական ծրագրերին ամերիկյան ռազմական ձեռնարկությունների մասնակցությանը խոչընդոտելու վերաբերյալ:

Հանդիպման ընթացքում Մյորֆին ԵՄ երկրներին կոչ է արել ընտրություն կատարել կամ ինքնուրույն կառավարել Ռուսաստանից եկող ուղղակի սպառնալիքը, կամ էլ՝ ՆԱՏՕ-ի հաշվին ամրապնդել պաշտպանական համակարգը: