Միջուկային տերությունները պատրաստ չեն տեսանելի ապագայում հրաժարվել ատոմային զենքից
1245 Երկուշաբթի, 17 հունիսի, 2019 թ., 21:10 «Չնայած նրան, որ ատոմային զենքի քանակը ողջ աշխարհում կրճատվում է, միջուկային տերությունները դեռ շարունակում են զբաղվել դրա արդիականացմամբ, որովհետև նրանք պատրաստ չեն տեսանելի ապագայում դրանից հրաժարվել». այսպիսի եզրակացություն է արված Ատոմային զենքի ներկա վիճակի մասին հաշվետվության մեջ, որը հրապարակվել է Ստոկհոլմի՝ Աշխարհի հիմնախնդիրների միջազգային ինստիտուտի կայքում: Այժմ աշխարհում կա 9 միջուկային տերություն՝ ՌԴ, ԱՄՆ, Մեծ Բրիտանիա, Ֆրանսիա, Հնդկաստան, Պակիստան, Իսրայել և ԿԺԴՀ: Բոլորը միասին տիրապետում են 13 865 միավոր միջուկային զենքի, որից 2 հազարը բարձր պատրաստավածության վիճակում են: Ինստիտուտի ներկայացուցիչ Յան Էլիասոնի տվյալներով՝ միջուկային զենքի կրճատումն արվել է հիմնականում ԱՄՆ-ի և ՌԴ-ի հաշվին, որոնց բաժին է հասնում ողջ պաշարների 90%-ը: Կրճատումն արվել է համապատասխան պայմանագրի (СНВ-3) համաձայն, ընդ որում՝ այդ հարցում երկրներն անգամ միակողմանի քայլեր են արել: Պայմանագրի ժամկետը լրանում է 2021թ.: Ըստ հաշվետվության՝ փաստաթուղթն ստորագրած երկրները դրա ժամկետը երկարացնելու հարցը դեռ չեն քննարկում, և ամերիկյան ու ռուսական միջուկային պաշարների կրճատման հավանականությունը 2 երկրների տարաձայնությունների ֆոնին քչանում է: 2019-ի հունվարի տվյալներով՝ ՌԴ-ի ունեցած միջուկային մարտագլխիկների թիվը հասնում է 6500-ի, իսկ ԱՄՆ-ինը՝ 6185: 2 երկրներն էլ միջուկային զենքի արդիականացման «թանկարժեք» ծրագրեր ունեն: Պենտագոնը հայտարարել էր, որ ՌԴ-ն ունի նաև ոչ մարտավարական 2 հազար մարտագլխիկ, որոնց վրա պայմանագիրը չի տարածվում: Մյուս երկրների միջուկային պաշարներն ավելի քիչ են, սակայն դրանք էլ կամ նոր համակարգեր են մշակում, կամ արդեն ներդնում են դրանք: ԿժԴՀ-ն միջուկային ծրագրերը դիտարկում է որպես ազգային անվտանգության առանցք: 2018թ. այդ երկիրը հայտարարել էր ատոմային զենքի, բալիստիկ հրթիռների փորձարկումների դադարեցման մասին: ՌԴ նախագահ Վ.Պուտինն էլ հայտարարել է, որ ՌԴ-ն կարող է չերկա8աձգել պայմանագրի ժամկետը, որովհետև իր պաշտպանական համակարգերը հնարավորություն են տալիս ամբողջությամբ ապահովել երկրի անվտանգությունը: |
«Հայկական պետությունը տեր չկանգնեց իր գերեվարված քաղաքացիներին»․ Հովհաննես Ավետիսյան
3816:24«Գլխավոր *****ի ֆոնին ստվերում են մնում ոչ պակաս *****երը»․ Լուսինե Հարոյան
3616:18«Ասելու բան կա՝ նիկոլին «պարոն վարչապետ» դարձնողներին»․ Արամ Գևորգյան
4816:06«Տարածքային փոփոխությունների հարցը կարող է լուծվել բացառապես հանրաքվեով». Գևորգ Դանիելյան
5915:24«Հանդիպում կլինի, թե երբ, չեմ կարող ասել»․ Փաշինյան
7115:00«Պատրաստվում ենք դե յուրե հիմնավորել Արծվաշենի՝ ՀՀ մաս լինելը». վարչապետ
7514:36«Ռուսական հենակետերը Տավուշից դուրս կբերվեն»․ Փաշինյանի ամբողջական հարցազրույցը (տեսանյութ)
9114:18«Այս պահին գյուղ են եկել պետական օղակներից ու չափագրումներ են իրականացնում»․ Դանիելյան
8614:00