Ուրբաթ, 20 սեպտեմբերի, 2019 թ.
|
Ստեփանակերտում`   +14 °C

Գայանե Ղամբարյանը կներկայանա Նիկոլա Մարտինուչչիի անվան երգի միջազգային մրցույթին

Գայանե Ղամբարյանը կներկայանա Նիկոլա Մարտինուչչիի անվան երգի միջազգային մրցույթին
139
Կիրակի, 23 հունիսի, 2019 թ., 14:35

Երևանի Կոմիտասի անվան երաժշտական կոնսերվատորիայի շրջանավարտ Գայանե Ղամբարյանը (դասական վոկալի բաժին, պրոֆեսոր Լարիսա Մկրտչյանի դասարան) Իտալիայի Լուկա քաղաքում կմասնակցի Նիկոլա Մարտինուչչիի անվան երգի միջազգային մրցույթին: Մրցույթի ժամանակ երգչուհին կներկայացնի արիաներ՝ Մոցարտի, Ջակոմո Պուչչինիի, Գաետանո Դոնիցետիի և Ժյուլ Մասնեի օպերաներից: Մրցույթի հիմնադիրը և ժյուրիի պատվավոր նախագահն իտալացի հանրահռչակ տենոր Նիոկլա Մարտինուչչին է, ինչպես նաև ժյուրիի կազմում ընդգրկված են աշխարհի տարբեր հեղինակավոր օպերային թատրոնների գեղարվեստական ղեկավարներ և երաժշտական պրոդյուսերներ:

Գայանե Ղամբարյանը կներկայանա Նիկոլա Մարտինուչչիի անվան միջազգային երգի մրցույթին
Գայանե Ղամբարյանը կներկայանա Նիկոլա Մարտինուչչիի անվան միջազգային երգի մրցույթին

Երգչուհին 2018-ի սեպտեմբերից համագործակցում է հնագույն երաժշտության «Տաղարան» համույթի հետ (գեղարվեստական ղեկավար և դիրիժոր, ՀՀ մշակույթի վաստակավոր գործիչ Սեդրակ Երկանյան), որտեղ հանդես է գալիս որպես հրավիրյալ մեներգչուհի (սոպրանո):
Կոմիտասի անվան Կամերային երաժշտության տանը, օրեր առաջ, տեղի է ունեցել Գայանե Ղամբարյանի առաջին մենահամերգը:
Գայանե Ղամբարյանը կներկայանա Նիկոլա Մարտինուչչիի անվան միջազգային երգի մրցույթին
Գայանե Ղամբարյանը կներկայանա Նիկոլա Մարտինուչչիի անվան միջազգային երգի մրցույթին

Երգչուհու մասնագիտական ուղին անցել է բազում դժվարություններով, սակայն կամային հատկանիշների, բնատուր տաղանդի շնորհիվ նա փոքր, բայց հաստատուն քայլերով գնում է մասնագիտական վերելքի ճանապարհով: «Երբեք չպետք է դադարես հավատալ. դու պետք է հավատաս քո շնորհին ու այդ շնորհը Տվողին… Եթե անգամ հազար մենամարտում պարտություն ես ունեցել, միևնույն է չպետք է դադարես հավատալ վճռորոշ ճակատամարտում սպասվելիք հաղթանակիդ»,- MAMUL.am-ի թղթակցի հետ զրույցի ժամանակ նշել է երգչուհին:
Գայանե Ղամբարյանը կներկայանա Նիկոլա Մարտինուչչիի անվան միջազգային երգի մրցույթին
Գայանե Ղամբարյանը կներկայանա Նիկոլա Մարտինուչչիի անվան միջազգային երգի մրցույթին
Երգչուհու ներշնչանքի աղբյուրը 20-րդ դարի ամենանշանավոր օպերային երգչուհի Մարիա Կալլասն է: Նա ժպիտով նշում է, որ շատերն են նմանություն տեսնում իր և Կալլասի ձայնի միջև:
Տեղեկացնենք նաև, որ երգչուհին հրավեր է ստացել Իսպանիայից «World Music Competition» երգի մրցույթի կիսաեզրափակչին մասնակցելու, սակայն զբաղվածության պատճառով վերջինս հրաժարվել է մասնակցությունից, իսկ օգոստոսին հրավեր է ստացել համերգներով հանդես գալու Ֆրանսիայում՝ «Les Arènes Lyriques» ամառային երաժշտական փառատոնի շրջանակներում: