Թուրքիայի ԱԳՆ-ն անտեսեց ԵՄ պատժամիջոցները
756 Երեքշաբթի, 16 հուլիսի, 2019 թ., 14:20 Թուրքիայի ԱԳՆ-ն հայտարարել է, որ երկիրը կշարունակի ածխաջրածինների արդյունահանումը Միջերկրական ծովում, չնայած ԵՄ սահմանած սահմանափակումներին։ Նախօրեին Եվրամիության խորհուրդը հավանություն է տվել Թուրքիայի դեմ պատժամիջոցների սահմանմանը՝ Կիպրոսի բացառիկ տնտեսական գոտում հորատման աշխատանք կատարելու պատճառով. այդ մասին հայտնել է ԵՄ խորհրդի կայքը։ Որոշվել է կասեցնել Թուրքիայի հետ օդային տրանսպորտի մասին համաձայնագրի շուրջ բանակցությունները և չեղյալ հայտարարել բարձր մակարդակի որոշ խորհրդակցություններ ԵՄ-ի և Թուրքիայի միջև երկխոսության շրջանակներում: Խորհուրդը նաև հավանություն է տվել երկրին հատկացվող օգնության ծավալների՝ մինչև 2020 թ. կրճատմանը և Եվրոպական ներդրումային բանկին առաջարկել է վերանայել իր գործունեությունը Թուրքիայում: ՌԴ Դաշնության խորհրդի արտաքին հարաբերությունների գծով կոմիտեի անդամ Օլեգ Մորոզովն էլ հայտարարել է, որ պատժամիջոցները խորհրդանշական բնույթ են կրում և նպատակ ունեն Թուրքիային ցույց տալ, որ ԵՄ-ն համաձայնություն չի տալիս միակողմանի գործողություններին: Օ. Մորոզովը հայտնել է, որ Ռուսաստանը պատժամիջոցների կողմնակից չէ, որովհտև դրանք ոչինչ չեն տալիս: «Մենք միշտ մեր մտահոգությունն ենք հայտնել Թուրքիայի միակողմանի գործողությունների առիթով և կոչ ենք արել հակամարտությունը լուծել քաղաքական գործիքներով»,-նշել է ՌԴ սենատորը: Նա հիշեցրել է, որ Կիպրոսի ջրային տարածքում Թուրքիայի գործողությունների հետ կապված վիճակը խորն արմատներ ունի։ «Եվրամիությունը միշտ համաձայնել է Կիպրոսի և Հունաստանի դիրքորոշման հետ, որ Թուրքիան իրավունք չունի ջրային տարածքի նկատմամբ, որտեղ մտադիր է գազ արդյունահանել: Այսպիսի դիրքորոշում ունի նաև ԱՄՆ-ն»,-նշել է Օ. Մորոզովը: |
Պետդեպը պատասխանել է Զախարովային
3010:48«Պուտինին զարմացրել էր Փաշինյանի որոշումը»․ Լավրով
8710:18«Հարցազրույցը եթեր չգնաց․ սա կարող է նշանակել երկու բան»․ Ա․ Համբարձումյան
8910:06«Փաշինյանն ասաց, որ կոնսենսուս չկա»․ Լավրով (տեսանյութ)
10009:48Դիվանագիտական նոր սկանդալ է հասունանում ԱԳՆ-ում․ «Ժողովուրդ»
6109:18Գյումրիում Նիկոլ Փաշինյանին «ջերմ» ընդունելություն են ցույց տվել. «Ժողովուրդ»
6809:06«Նիկոլն ամեն ինչ հասցրել է ձախողման եզրին». Արտակ Զաքարյան
11102:06«Այսինքն ի՞նչ, պիտի մի հատ էլ դիմո՞ւմ գրենք, որ սառեցրել ենք». Ալեն Սիմոնյան
137Երեկ, 22:48