«Իմ համար դա պատիվ չէ». Ռոբերտ Քոչարյան

Այսօր Վերաքննիչ քրեական դատարանում ընթացող ՀՀ երկրորդ նախագահ Ռոբերտ Քոչարյանի գույքի վրա դրված կալանքի վերաբերյալ դատավոր Դանիբեկյանի կայացրած որոշման դեմ դատախազության կողմից բերված բողոքի քննության ժամանակ Ռոբերտ Քոչարյանն ասաց, որ իրեն զրկել են ամեն ինչից, այդ թվում՝ պաշտպանվելու հնարավորությունից.

«Այնքան սովորական է այս ամեն ինչն արվում, որ շշմում եմ, թե ո՞նց կարելի է օրենք խախտել և այսպիսի սովորական ձևով արձագանքել: Զարմանալի է, օրինակ, կենսաթոշակի հարցը, ասում եմ՝ լավ, ես պետք է կոմունալ ծախսեր հոգամ, փաստաբանական ծախսեր ունեմ, ինչի՞ եք դուք այդպես անում, որ ես՝ ունենալով հնարավորություն, օգտվեմ իմ բարեկամների, հարազատների աջակցությունից, իմ համար դա պատիվ չէ»,- նշեց Քոչարյանը: