ՌԴ դիրքորոշումը Ղարաբաղի կարգավիճակի մասով չի փոխվել․ Զախարովա

ՌԴ դիրքորոշումը ԼՂ վերջնական կարգավիճակի որոշման և Հայաստանի ու Ադրբեջանի միջև բանակցությունների միջոցով հակամարտությունը լուծելու վերաբերյալ մնում է նույնը: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ համառուսական երիտասարդական «Территория смыслов» կրթական ֆորումի ժամանակ. հայտնում է TASS-ը։
«ՌԴ-ն կարծում է, որ Լեռնային Ղարաբաղի վերջնական կարգավիճակը պետք է որոշվի Ադրբեջանի և Հայաստանի միջև բանակցությունների միջոցով: Դուք տեղյակ եք մեր դիրքորոշման մասին, այն չի փոխվել»,- ասել է Զախարովան: