Երեքշաբթի, 29 սեպտեմբերի, 2026 թ.
|
Ստեփանակերտում`   +18 °C

15 երկիր հրաժարվել է ճանաչել Կոսովոյի անկախությունը

15 երկիր հրաժարվել է ճանաչել Կոսովոյի անկախությունը
1607
Երկուշաբթի, 26 օգոստոսի, 2019 թ., 17:45

Տոգոյի Հանրապետությունը դարձավ 15-րդ երկիրը, որը հրաժարվում է ճանաչել Կոսովոյի անկախությունը: Այս մասին հայտարարել է Սերբիայի արտաքին գործերի նախարար Իվիցա Դաչիչը՝ РТС հեռուստառադիոընկերությանը տված հարցազրույցում:
Ըստ նրա՝ Բելգրադը կշարունակի իր անկախության միջազգային ճանաչման ջանքերը:
Ինչպես նշել է Դաչիչը, բացի Տոգոյից Կոսովոն հրաժարվում են ճանաչել Կենտրոնաաֆրիկյան Հանրապետությունը (ԿԱՀ), Պալաու կղզի-պետությունը, Մադագասկարը, Սողոմոնյան կղզիները, Լեսոտոն, Սուրինամը, Գրանադան, Կոմորների Միությունը, Բուրունդին, Դոմինիկայի Համագործակցությունը, Սան Տոմեն և Պրինսիպին, Լիբերիան, Գվինեա Բիսաուն։
Ավելի վաղ, Կոսովոյի իշխանությունները որոշում էին կայացրել կասեցնել սերբական բոլոր պաշտոնյաների մուտքը Կոսովո: Սերբիայի ԱԳՆ-ը Կոսովոյի այս քայլն անվանել էր «աննախադեպ»:
Հունիսին հայտնի դարձավ, որ Սերբիան պատրաստ է ներխուժել Կոսովո, եթե միջազգային հանրությունը չպաշտպանի այնտեղ ապրող սերբերին, հավելում է РТС-ը: