«Ստամբուլյան կոնվենցիան այս տարի Ազգային ժողով չի գա». Ռուստամ Բադասյան

«Ի սկզբանե պարզ էր, որ գրեթե շանս չկա՝ այս տարի Ազգային ժողով հասնելու, որովհետև ընթացակարգի համաձայն հնարավոր չէր, որ այն գար ԱԺ։ Մինչև մենք Վենետիկի հանձնաժողովից ստանանք պատասխան, կլինի հոկտեմբերը, մինչև Կառավարությունում կրկին քննարկենք, մինչև ուղարկենք Սահմանադրական դատարան, դա պրոցես է, որը պետք է անցնի։ Կարծում եմ, որ այդ թեման իրեն բավականին սպառել է։ Բոլոր հնարավոր փաստարկներն ու հակափաստարկներն էլ հնչել են»,- այսօր լրագրողների հետ զրույցում ներկայացնելով Ստամբուլյան կոնվենցիայի շուրջ տիրող իրավիճակը, և թե ինչ փուլում է գործընթացը, ասել է ՀՀ արդարադատության նախարար Ռուստամ Բադասյանը: