Երեքշաբթի, 31 մարտի, 2020 թ.
|
Ստեփանակերտում`   +10 °C

Էրդողանը չի բացառել ամերիկյան F-35-ի փոխարեն ռուսական Су-57-ի ձեռք բերումը

Էրդողանը չի բացառել ամերիկյան F-35-ի փոխարեն ռուսական Су-57-ի ձեռք բերումը
328
Հինգշաբթի, 29 օգոստոսի, 2019 թ., 13:35

Թուրքիայի նախագահ Ռեջեփ Թայիփ Էրդողանը հայտարարել է, որ չի բացառում ամերիկյան F-35-ի փոխարեն ռուսական Су-35 և Су-57 կործանիչների ձեռքբերումը։ Այս մասին հայտնում է CNN Turk-ը։

«Ինչո՞ւ ոչ․ մենք այստեղ (МАКС-2019 ցուցադրությանը) անտեղի չենք եկել»,- ասել է Թուրքիայի նախագահը՝ պատասխանելով լրագրողների այն հարցին, թե արդյոք ռուսական կործանիչներն ամերիկյան F-35-ի ձեռք բերման այլընտրա՞նք են:
Էրդողանը նաև շեշտել է, որ վերջնական որոշումը կկայացնի, երբ կխոսի ԱՄՆ նախագահ Դոնալդ Թրամփի հետ և կպարզի Վաշինգտոնի վերջնական դիրքորոշումը Թուրքիայի՝ F-35 ծրագրին մասնակցության վերաբերյալ:
Ավելի վաղ ՌԴ նախագահ Վլադիմիր Պուտինը МАКС-2019 ցուցադրության շրջանակում Էրդողանին ծանոթացրել էր նոր սերնդի Су-57 կործանիչների հետ:
Հիշեցնենք՝ Պենտագոնի ղեկավար Մարկ Էսպերը նշել էր, որ Թուրքիան կկարողանա ամերիկյան F-35 կործանիչ ձեռք բերի միայն այն դեպքում, եթե ամբողջությամբ հրաժարվի ռուսական С-400 զենիթահրթիռային համալիրների գնումից: