Յուրա Իվանյանի նկատմամբ ծառայողական քննություն է սկսվել

Ծառայողական քննություն է նշանակվել Ամուլսարի գործով քննչական խմբի ղեկավար Յուրա Իվանյանի ոչ անաչառ լինելու վերաբերյալ տեղեկությունը ստուգելու համար: Այդ մասին այսօր «Ազատության»-ը հայտնել է Քննչական կոմիտեի մամուլի քարտուղար Նաիրա Հարությունյանը:

Հարցին՝ ծառայողական քննությունը նշանակվել է Քննչական կոմիտեի՞ նախաձեռնությամբ, խոսնակն արձագանքել է․ «Ծառայողական քննությունները միշտ նշանակվում են Քննչական կոմիտեի ցանկությամբ»:

Հարցին էլ՝ ինչի՞ց ելնելով կասկածներ ի հայտ եկան, որ հնարավոր է՝ Իվանյանը անաչառ չի եղել որպես քննիչ Ամուլսարի գործով, Հարությունյանը պատասխանել է․ «Հաշվի առնելով վերջին շրջանում հասարակության հնչող մտահոգությունները՝ Ամուլսարի գործով քննչական խմբի ղեկավար Յուրա Իվանյանի և նախկին բնապահպանության նախարար Արամայիս Գրիգորյանի ազգականը լինելու հետ կապված լուրը հրապարակվելուց հետո, եթե հիշում եք, հասարակության շրջանում որոշակի կասկածներ էին առաջացել, որոշակի տեղեկատվություններ էին հրապարակվում, էդ տեղեկատվությունները ստուգելու համար նշանակվել է ծառայողական քննություն»:

Մանրամասները՝ սկզբնաղբյուր կայքում: