Ուրբաթ, 29 մարտի, 2024 թ.
|
Ստեփանակերտում`   +13 °C

«Փաստաբաններն ակնկալիքներից չպետք է խոսեն». Հայկ Ալումյան

«Փաստաբաններն ակնկալիքներից չպետք է խոսեն». Հայկ Ալումյան
926
Երեքշաբթի, 03 սեպտեմբերի, 2019 թ., 13:50

ՍԴ-ն դեռ չի հրապարակել Ռոբերտ Քոչարյանի դիմումի հիման վրա ՀՀ քրեական դատավարության օրենսգրքի 35-րդ հոդվածի և135-րդ հոդվածի 2-րդ մասի՝ սահմանադրականության վերաբերյալ վճիռը: ՍԴ շենքի մոտ իրադրությունը շարունակում է լարված մնալ: Պարբերաբար լեզվակռվի են բռնվում Քոչարյանի կողմնակիցներն ու ընդդիմախոսները, փոխադարձ վիրավորանքներ ուղղում միմյանց հասցեին, վանկարկումներ անում: Մինչ վճռի հրապարակումը Ռոբերտ Քոչարյանի պաշտպանական խմբի անդամ Հայկ Ալումյանը լրագրողների հետ ճեպազրույցում ասաց, որ եթե ՍԴ-ն իրենց ներկայացրած փաստարկները հաշվի առնի և որոշի, որ ՀՀ քրեական դատավարության օրենսգրքի 35-րդ հոդվածն ու 135-րդ հոդվածի 2-րդ մասը հակասահմանդրական են, ապա Ռոբերտ Քոչարյանի նկատմամբ քրեական հետապնդումը պետք է դադարեցվի, և նա պետք է անմիջապես ազատ արձակվի: Հարցին, թե ինքն ինչ ակնկալիքներ ունի այդ առումով, Հ. Ալումյանը նշեց, որ փաստաբաններն ակնկալիքներից չպետք է խոսեն. պաշտպաններն իրենց կողմից ամեն ինչ արել են: Եթե ճանաչի սահմանադրական, ապա իրենք կանցնեն իրենց առաջիկա անելիքներին՝ չմասնավորեցնելով դրանք: