Կիրակի, 07 հունիսի, 2026 թ.
|
Ստեփանակերտում`   +15 °C

«Արցախում խնդիր կա կապված քվեատուփերի հետ». Դանիել Իոաննիսյան

«Արցախում խնդիր կա կապված քվեատուփերի հետ». Դանիել Իոաննիսյան
1626
Կիրակի, 08 սեպտեմբերի, 2019 թ., 21:15

«Իրազեկ քաղաքացիների միավորում» ՀԿ հիմնադիր, ծրագրերի համակարգող Դանիել Իոաննիսյանը ֆեյսբուքյան իր էջում գրել է. «Արցախում խնդիր կա կապված քվեատուփերի ու քվեարկության ծրարների բացակայության հետ, որը, հույսով եմ՝ գալիք համապետական ընտրություններից առաջ կլուծվի։

Բանն այն է, որ քվեատուփի հետևում ճեղք կա, որից, քվեաթերթիկի երկար լինելու պարագայում, երևում է, թե ում ընտրողը հաստատ չի քվեարկում։

Իսկ քվեարկության ծրարների բացակայության արդյունքում շատերն ակամայից տեսնում են ընտրողի քվեարկությունը։

Ընտրությունների ընթացքի ու խնդիրների մասին կարող եք կարդալ մեր հաղորդագրություններում։ Մանրամասն կխոսենք ու գնահատականներ կտանք վաղվա ասուլիսին (ժամը 13։30-ին)։ Աղաղակող խախտումներ առայժմ չենք տեսել։ Պարզապես, այս մի խնդիրն ուզեցա առանձնացնել ու այստեղ բարձրաձայնել, քանի որ քվեարկության գաղտնիությունը պետք է ապահովվի բոլոր հնարավոր միջոցներով»։