Արթուր Վանեցյանի հրաժարականի հայտարարությունը հեռացվել է ԱԱԾ պաշտոնական կայքից և ֆեյսբուքյան էջից

Սեպտեմբերի 16-ին Վանաձորում տեղի ունեցած մամլո ասուլիսի ժամանակ Նիկոլ Փաշինյանը հայտարարեց ՀՀ ԱԱԾ տնօրեն Արթուր Վանեցյանի հրաժարականի մասին։ Այս մասին տեղեկացնում է Antifake.am կայքը:

Դրան անմիջապես հաջորդեց Վանեցյանի հրաժարականի հայտարարությունը, որը տեղադրվեց ԱԱԾ պաշտոնական կայքում և ֆեյսբուքյան էջում:

Հայտարարության հրապարակումից երկու օր անց՝ սեպտեմբերի 18-ին, հայտարարությունը հեռացվել է ԱԱԾ պաշտոնական կայքից և ԱԱԾ ֆեյսբուքյան էջից։