Ուրբաթ, 29 մարտի, 2024 թ.
|
Ստեփանակերտում`   +5 °C

Պետերբուրգի գերեզմանատանը փակցվել են Պուտինի, Մեդվեդևի, Պեսկովի լուսանկարները. հարուցվել է քրեական գործ

Պետերբուրգի գերեզմանատանը փակցվել են Պուտինի, Մեդվեդևի, Պեսկովի լուսանկարները. հարուցվել է քրեական գործ
940
Երկուշաբթի, 23 սեպտեմբերի, 2019 թ., 21:40

Պետերբուրգում քրեական գործ է հարուցվել Սմոլենսկի գերեզմանատան տապանաքարերին քաղաքական գործիչների նկարները փակցնելու փաստի առիթով: Ակցիայի հեղինակը Ռուսաստանում գործող «Ագիթ Ռոսիա» շարժումն է: Նրա անդամների տներում արդեն խուզարկումներ են անցկացվել:
Հաղորդվում է, որ նրանք տապանաքարերին փակցրել են քաղաքական գործիչների՝ Վլադիմիր Պուտինի, Դմիտրի Մեդվեդևի, Դմիտրի Պեսկովի, Ելենա Միզուլինայի, Վիտալի Միլոնովի գունավոր լուսանկարները՝ սև ժապավենով կապված: Լուսանկարների մեջ եղել են նաև լրագրողներ Վլադիմիր Սոլովևի, Եվգենիյա Պոպովայի, Օլգա Սկաբաևայի, բիզնեսմեն Եվգենի Պրիգոժինի, Չեչնիայի ղեկավար Ռամզան Քադիրովի, ռեփեր Տիմատիի պատկերները:
Հանցագործության կասկածանքով ձերբակալվել են Անդրեյ Ժեկսիմբաևը և Պավել Իվանկինը: Երկուսի տներում էլ խուզարկումներ են անցկացվել: Նրանց հանդեպ հարուցվել է քրեական գործ հանգուցյալների մարմինների հանդեպ ոնտձգության, ոչնչացման կամ էլ նրանց գերեզմանների վնասման կամ պղծման համար: