«5 միլիարդի պայմանավորվածություն ունենք և դեռ կավելացնենք». Ալիևը՝ Ռուսաստանից զենքի գնման մասին

Ռուսաստանն ու Ադրբեջանը կշարունակեն համագործակցությունը ռազմատեխնիկական ոլորտում: Այս մասին Սոչիում հայտարարել է Ադրբեջանի նախագահ Իլհամ Ալիևը՝ ելույթ ունենալով ամենամյա «Վալդայ» վեհաժողովի շրջանակներում: «Ակտիվորեն զարգանում է ռազմատեխնիկական համագործակցությունը, Այսօր մենք պայմանավորվել ենք, որ կշարունակենք աշխատանքները այս ուղղությամբ, չնայած որ մեր միջև արդեն իսկ կնքված պայմանագրերը՝ ռուսական զինտեխնիկայի գնման վերաբերյալ, կազմում են 5 միլիարդ դոլար»,- ասել է Ալիևը՝ նշելով, որ այդ պայմանավորվածություններից 3 միլիարդն արդեն իրականացված է: