Հինգշաբթի, 17 հոկտեմբերի, 2019 թ.
|
Ստեփանակերտում`   +11 °C

Ի պատասխան թուրքերի հարձակումներին՝ քրդերն արկակոծում են Թուրքիայի սահմանամերձ շրջանները

Ի պատասխան թուրքերի հարձակումներին՝ քրդերն արկակոծում են Թուրքիայի սահմանամերձ շրջանները
331
Ուրբաթ, 11 հոկտեմբերի, 2019 թ., 19:05

Սիրիայի քրդական ուժերը շարունակում են արկակոծել թուրք-սիրիական սահմանին գտնվող թուրքական բնակավայրերը։ Այս անգամ արկակոծվել է սահմանամերձ Շանլըուրֆա նահանգի Սուրուչ շրջանը, ինչի հետևանքով սպանվել է 2 քաղաքացիական անձ, ևս 2-ն էլ վիրավորվել են։

Թուրքական աղբյուրը նշում է, որ Սիրիայի տարածքում քուրդ զինյալների դեմ սկսված «Խաղաղության ակունք» ռազմական գործողությունից ի վեր, քրդերի արկակոծումների հետևանքով սպանված քաղաքացիական անձանց թիվը հասել է 7-ի։
Ավելի վաղ Սիրիայի քրդական ուժերը, որոնց թուրքերը ահաբեկչական են համարում, արկակոծել էին Մարդինի, ինչպես նաև թուրք-սիրիական սահմանին գտնվող Աքչաքալե և Ջեյնարփընար շրջանները, գրում է Ermenihaber.am-ը՝ հղում անելով Demokrathaber-ին: