Երկուշաբթի, 23 փետրվարի, 2026 թ.
|
Ստեփանակերտում`   +4 °C

6 ժամ բանակցելով՝ Պուտինն ու Էրդողանը Սիրիայի հարցում «ճակատագրական որոշումներ» են կայացրել

6 ժամ բանակցելով՝ Պուտինն ու Էրդողանը Սիրիայի հարցում «ճակատագրական որոշումներ» են կայացրել
768
Երեքշաբթի, 22 հոկտեմբերի, 2019 թ., 21:50

Սոչիում ավարտվել են 6 ժամից ավելի ձգվող բանակցությունները ՌԴ նախագահ Վլադիմիր Պուտինի ու Թուրքիայի նախագահ Ռեջեփ Էրդողանի միջև: «Էրդողանը մանրամասն բացտրություններ է տվել Սիրիայի սահմաններում թուրքական զինուժի իրականացրած ռազմական օպերացիայի մասին»,- ասել է Պուտինը: Քննարկվել են նաև հետագա քայլերը՝ Սիրիայում խաղաղ գործընթացների ծավալման վերաբերյալ: Այն կիրագործեն սիրիացիները՝ Սահմանադրական կոմիտեի շրջանակներում:

Քննարկվել է նաև հումանիտար խնդիրը, Պուտինը կարևոր է համարել հետագայում էլ սիրիացի փախստականներին աջակցելը՝ հայրենիք վերադառնալու հարցում:

Պուտինը նաև շեշտել է, որ Սիրիայի հարցում Թուրքիայի հետ «ճակատագրական որոշումներ» են կայացրել:

Երկու երկրների միջև կնքվել է նաև հուշագիր, համաձայն որի՝ չորեքշաբթի կեսօրից ռուսական զինվորական ոստիկանությունն ու սիրիացի զինվորականները կմտնեն Սիրիայի այն տարածքներ, որոնք դուրս են մնացել թուրքական հատուկ օպերացիայի գոտուց: Նրանք կնպաստեն քրդական ազատագրման ստորաբաժանումների և զինտեխնիկայի՝ սահմանից 30 կմ շառավղով դուրսբերմանը, ինչը պետք է ավարտին հասցվի 150 ժամում:

Համաձայն հուշագրի՝ քրդական ուժերը կհանվեն Մանբիջից ու Թալ-Ռիֆաթից:

Նախագահները նաև հաստատել են հավատարմությունը Սիրիայի տարածքային ամբողջականությանը, Թուրքիայի ազգային անվտանգության ապահովմանը և կողմ են արտահայտվել Ադանայի համաձայնագրին:

Մոսկվան ու Անկարան հստակ հավատարմություն են հայտնել Աստանայի ձևաչափին և պայմանավորվել են ստեղծել համատեղ մեխանիզմ՝ Սիրիայի շուրջ հուշագրի պահանջներին: