Ցուցահանդես Ստեփանակերտում՝ նվիրված Հովհաննես Թումանյանի 150-ամյակին
 135 Շաբաթ, 26 հոկտեմբերի, 2019 թ., 23:35 Ստեփանակերտի մանկապատանեկան ստեղծագործական կենտրոնում բացվել է հայ մեծանուն գրող Հովհաննես Թումանյանի 150-ամյա հոբելյանին նվիրված նկարչական ցուցահանդեսը: «Յուրահատուկ օր է Ստեփանակերտի մանկապատանեկան ստեղծագործական կենտրոնում, որը տոնում է հայ բանաստեղծ, արձակագիր, գրական, ազգային և հասարակական գործիչ մեծն Թումանյանի 150-ամյա հոբելյանը: Կենտրոնի գրեթե բոլոր խմբակներում տեղի են ունեցել միջոցառումներ՝ նվիրված հանճարեղ գրողի հոբելյանին: Այսօր կարելի է ասել ամփոփիչ միջոցառումն է՝ բեմադրության և ցուցահանդեսի տեսքով: Ցուցահանդեսին մասնակցել են կենտրոնի 242 սան: Քանզի տարին թումանյանական է, ուստի ցուցահանդեսը կգործի մինչև տարեվերջ»,- ասել է կենտրոնի խորհրդի նախագահ Լյուդմիլա Բարսեղյանը:   |
