Ուրբաթ, 19 դեկտեմբերի, 2025 թ.
|
Ստեփանակերտում`   +7 °C

Ռուսական ORSIS-ը հայտարարել է, որ Երևանը փորձել է ոչ պաշտոնական կերպով լուծել զենքի պայմանագրի հարցը

Ռուսական ORSIS-ը հայտարարել է, որ Երևանը փորձել է ոչ պաշտոնական կերպով լուծել զենքի պայմանագրի հարցը
903
Երեքշաբթի, 05 նոյեմբերի, 2019 թ., 21:30

Ռուսական ORSIS ընկերությունը (մտնում է «Պրոմտեխնոլոգիա» խմբի մեջ) հայտարարել է, որ ոչ պաշտոնական հրավերներ է ստացել ՀՀ պաշտպանության նախարարությունից՝ լուծելու գերատեսչության հետ զենքի խմբաքանակի մատակարարման տապալված մրցույթի հարցը: Փորձեր են եղել նաև ընկերության հետ ոչ ֆորմալ կապ հաստատելու, ենթադրաբար, ՀՀ ՊՆ-ին մոտ կանգնած մի քանի անձանցից, այսօր ТАСС գործակալությանը հայտնել է ORSIS-ի խոսնակը:
«Մենք ստացանք ոչ պաշտոնական հրավերներ՝ (խմբ.՝ Հայաստանից) գալ և նստել բանակցությունների սեղանի շուրջ: Փորձեր են եղել ընկերության հետ ոչ ֆորմալ կապ հաստատել պաշտպանության նախարարությանը մոտ կանգնած որոշ անձանցից»,- հայտարարել է խոսնակը:
Միևնույն ժամանակ, «Պրոմտեխնոլոգիան» հույս է հայտնել, որ գործը դատարան չի հասնի: