Երեքշաբթի, 19 մարտի, 2024 թ.
|
Ստեփանակերտում`   +4 °C

«Կոռուպցիայից ու սեփական զինվորից գողանալուց ավելի սատանիստական բան ես չեմ պատկերացնում». Նիկոլ Փաշինյան

«Կոռուպցիայից ու սեփական զինվորից գողանալուց ավելի սատանիստական բան ես չեմ պատկերացնում». Նիկոլ Փաշինյան
420
Չորեքշաբթի, 13 նոյեմբերի, 2019 թ., 18:55

Կառավարություն-ԱԺ հարցուպատասխանի ժամանակ Նիկոլ Փաշինյանը պատասխանեց սկանդալի պատճառ դարձած «ՀուԶանք ու Զանգ» բեմականացմանը 2,7 միլիոն դրամ հատկացնելու վերաբերյալ հարցին:

«Այն ժամանակ, երբ որ կոռուպցիան ամենուրեք էր, Արայիկ Հարությունյանի հրաժարականը պահանջող մարդիկ քա՞նի մարդու հրաժարկան են պահանջել: Մենք որդեգրել ենք այնպիսի քաղաքականություն, որ արվեստի հարցում պետք է այլ քաղաքականություն ունենանք և ֆինանսավորենք, քաջալերենք ստեղծագործական աշխաանքը:

Այդ ներկայացումը 22 նախագծերից մեկն է: ԿԳՄՍ նախարարությունը, քննադատությունները հաշվի առնելով, այդ մեխանիզմները կատարելագործելու հետագա քայլերի մասին է մտածում, որպեսզի ոչ թե թղթի վրա պատկերացում լինի որևէ ներկայացման մասին, այլ լինի նաև վիզիուալ պատկերացում»,- ասաց վարչապետը:
Նա նաև վստահություն հայտնեց, որ արվեստը նրանով է արվեստ, որ միշտ չի միանշանակ՝ բերելով Փարաջանովի օրինակը. «Ասում էին՝ եթե պրոլետարիատի փողերը սրա վրա պիտի ծախսվի, ապա ավելի լավ է մի քանի հարյուր հատ էլ Լենինի նկար սարքենք ու կախենք այստեղ-այնտեղ:

Ինչ վերաբերում է սատանիզմին, ապա կոռուպցիայից ու սեփական զինվորից գողանալուց ավելի սատանիստական բան ես չեմ պատկերացնում»: