Ամերիկայում փոխվել է Հայաստանի հանդեպ վերաբերմունքը. «Ամերիկայի Ձայն»
![]() 1054 Շաբաթ, 16 նոյեմբերի, 2019 թ., 11:20 Նոյեմբերի 16-ը ՀՀ խորհրդարանական պատվիրակության ամերիկյան այցի վերջին օրն է: Ինչպես հաղորդում է «Ամերիկայի ձայնը», Վաշինգտոն կատարած այցի վերջին օրը Հայաստանի խորհրդարանական պատվիրակությունը հանդիպեց Հայաստանում նախկին տարիներին Միացյալ Նահանգները ներկայացնող դեսպաններ Ջոն Հեֆերնի, Ջոն Էվանսի եւ Մայքլ Լեմոնի հետ: Հանդիպման ընթացքում Միացյալ Նահանգների պաշտոնաթող դիվանագետներին հատկապես հետաքրքրում էին Հայաստանի նոր իշխանությունների կողմից անցկացվող համակարգային բարեփոխումները: «Շատ կարեւոր էր տեսնել, որ դեսպանները ոչ միայն ուրախ էին Հայաստանում տեղի ունեցած փոփոխություններով և զարգացումներով, այլև հստակ արձանագրեցին, որ նաև Ամերիկայում Հայաստանի հանդեպ վերաբերմունքը փոխվել է. Հայաստանն այժմ այլ ընկալումներ ունի և այլ ճանաչողության մակարդակ», - «Ամերիկայի Ձայն»-ին հանդիպումից հետո պատմեց «Իմ քայլը» խմբակցության պատգամավոր Տաթեւիկ Հայրապետյանը: Նախկին դեսպաններին, որոնք Երեւանում իրենց պաշտոնավարման տարիներին ուշադիր հետեւել են Հայաստանում ընթացող զարգացումներին, հատկապես հետաքրքրում էին նոր պայմաններում խորհրդարանի դերն ու նախատեսվող բարեփոխումները: «Լուսավոր Հայաստան» խմբակցության ղեկավար Էդմոն Մարուքյանն այդ կապակցությամբ նշեց, որ խորհրդարանում աշխատանք է ընթանում նախկին իշխանություններից ժառանգած գերհզոր գործադիրին հավասարակշռելու խորհրդարանական միջոցների մշակումը: Խորհրդարանական մեծամասնության ղեկավար Լիլիթ Մակունցն իր կողմից նշեց, որ նոր «Ընտրական օրենսգրքի» մշակումն ավարտված կլինի 2020 թվականին: Ուրբաթ օրվա երկրորդ կեսին Հայաստանի խորհրդարանական պատվիրակությունը հանդիպումներ կանցկացնի նաեւ Միացյալ Նահանգների Պետքարտուղարությունում: Տաթեւիկ Հայրապետյանի խոսքով՝ ԱՄՆ-ի մայրաքաղաքում անցած հանդիպումները կարեւոր հիմք են հայ-ամերիկյան երկկողմ հարաբերությունների հետագա զարգացման համար. «Մենք մի քանի հիմնական ուղղություններ նշել ենք այս պահի դրությամբ. Ինստիտուտների հաստատում, ժողովրդավարություն, հակակոռուպցիոն մարմինների ստեղծում և մի շարք այլ ռեֆորմներ: Մենք պատրաստակամություն ենք հայտնել և պայմանավորվել աշխատել միասին և հենց այդ աշխատանքի արդյունքում այդ բովանդակային էլեմենտը կդառնա ավելի շոշափելի և առարկայական»: «Թավշյա հեղափոխությունից» հետո ընտրված նոր խորհրդարանում սա հայ-ամերիկյան խորհրդարանական խմբի անդամների առաջին այցն էր Միացյալ Նահանգների մայրաքաղաք: Պատվիրակության ղեկավար Լիլիթ Մակունցը նշել է, որ այցի ընթացքում հայ օրենսդիրները փորձելու են ռազմավարական մակարդակի բարձրացված հայ-ամերիկյան գործընկերությունը պարզ բովանդակությամբ լցնել: |
«Կողմ եմ քվեարկելու, որ կալանավորվի». Հակոբ Արշակյան (տեսանյութ)
6012:06«ԱԺ-ում ծեծկռտուքի դեպքով պետք է վարույթ նախաձեռնվի»․ Վարդուհի Սարգսյան
5912:00«Նպատակը մեկն է՝ թիրախավորել հնարավոր բոլոր օջախները». Արծվիկ Մինասյան (տեսանյութ)
9011:54«ՔՊ հոխորտացող հրոսակները գրավել են ԱԺ շենքը և դարձրել «ախոռ»»․ Աննա Կոստանյան (տեսանյութ)
10811:42«Հակոբ Արշակյանի հրամանով ՊՊԾ-ն ուզում է շենքից հեռացնել Արթուր Սուքոյանին». Քրիստինե Վարդանյան (տեսանյութ)
9611:24«Բ**ի տղա, ա՛յ գ****ն». նոր կադրեր՝ ԱԺ-ում ծեծկռտուքից (տեսանյութ)
19111:06«Կցանկանայի վերացնել Իրանի դեմ պատժամիջոցները»․ Թրամփ
14910:52«Անհայտ անձինք մտել են դահլիճ, որ հարձակվեն ընդդիմադիրների վրա». Քրիստինե Վարդանյան (տեսանյութ)
11210:36