Թուրքիան մտադիր է օգտագործել ռուսական С-400-ները

Թուրքիայի պաշտպանության նախարար Հուլուսի Աքարը հայտարարել է, որ Անկարան նախատեսում է օգտագործել Ռուսաստանից գնված С-400 զենիթահրթիռային համակարգերը, հայտնում է Anadolu գործակալությունը:

Աքարը նշել է, որ «Թուրքիայի զինված ուժերի կազմից ընտրված անձնակազմը С-400-ի շահագործման դասընթաց է անցնում»:
Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ Անկարան չի կարող հրաժարվել С-400-ներից: