#Beeline-ը կեղծ գովազդով մոլորեցնում է բաժանորդներին
66
Երկուշաբթի, 25 նոյեմբերի, 2019 թ., 15:25
MAMUL.am-ի խմբագրությունն այսօր ահազանգեր է ստացել քաղաքացիներից առ այն, որ Beeline ընկերությունը գովազդի միջոցով կեղծ տեղեկատվություն է տարածում իր նոր առաջարկի վերաբերյալ, և որ ընկերության գրասենյակ այցելությունից հետո պարզվում է, որ գովազդի բովանդակությունն ամբողջությամբ կեղծ է։ Խմբագրությունն ուսումնասիրել է քաղաքացիների ահազանգը։ Այսպես. օրերս Բիլայն ընկերությունը ներկայացրել է ծառայությունների նոր փաթեթ՝ Combo 4-ը՝ լայնորեն գովազդելով ընձեռած հնարավորությունները (գովազդի տեսանյութը կարող եք դիտել նյութի վերջում)։ Գովազդում նշվում է, որ ծառայության 1. արժեքն է 4000 դրամ, 2. ներառում է 100 մբ ինտերնետ, 3. հեռուստաալիքներ, բջջային ու ֆիքսված կապ, 4. առանց որևէ հետագա պարտավորությունների։ Ընդ որում, գովազդում մի քանի անգամ նշվում է այն հանգամանքը, որ նոր փաթեթից օգտվողը «հետագա որևէ պարտավորություն» չունի։
Խնդրի ուսումնասիրության ընթացքում խմբագրությունը պարզեց, որ քաղաքացիների դժգոհություններն իրականությանը համապատասխանում են։ Պարզվում է, որ վերոնշյալ առաջարկը գործում է մասնակի, մի շարք պարտավորություններով կամ բացարձակ չի գործում։ Անդրադառնանք փաստին՝ ըստ կետերի։ Իրականում, գովազդվող փաթեթը ստանալու համար անհրաժեշտ է ստորագրել մի պայմանագիր, համաձայն որի՝ 1. քաղաքացին պարտավորվում է կնքել 18 ամիս ժամկետով պայմանագիր, որը խախտելու դեպքում քաղաքացին պարտավորվում է որպես տույժ վճարել մոտ 30.000 դրամ։ Բացի այդ՝ 2. ծառայության արժեքը 4000 դրամ կլինի միայն մինչև 2020թ․ հունիսը, որից հետո այդ արժեքը միանգամից փոխվում է 8.500 դրամի։ Բացի վերոնշյալը՝ 3. 100 մեգաբիթ արագությունը տրամադրվում է ոչ բոլոր դեպքերում, միայն այն դեպքում, եթե բաժանորդի տեղանքը տալիս է նման հնարավորություն (համաձայն մեր տեղեկությունների, նման հնարավորություն ունի բաժանորդների միայն 10%-ը)։ Բացի վերոնշյալը՝ 4. սույն փաթեթը հասանելի է միայն նոր բաժանորդների համար։ Հին բաժանորդների համար գործում է ավելի պակաս հնարավորություններով և անհասկանալի պայմաններով այլ առաջարկ (օրինակ, անցում կատարողի բջջային ինտերնետի ծավալի նվազեցում և այլն)։
Վերոնշյալ փաստի առթիվ հրավիրում ենք պատկան մարմինների ուշադրությունը։
