«Վրաստանը պետք է լուծի Հայաստանի հետ սահմանի հարցը»․ Սալոմե Զուրաբիշվիլի

Վրաստանի նախագահ Սալոմե Զուրաբիշվիլին հայտարարել է, որ երկիրը պետք է լուծի Հայաստանի և Ադրբեջանի հետ միջսահմանային հարցերը, որպեսզի Վրաստանը կայանա որպես պետություն:

Նա հիշեցրել է, որ կան սահմանամերձ տարածքներ, որոնք համաձայնեցված չեն հարևան Հայաստանի և Ադրբեջանի հետ, նշելով, որ սահմանազատման գործընթացը դադարեցվել է:

«Պարզ չէ, թե ինչու մենք չպետք է ավարտենք այս գործընթացը մեր բարեկամ երկրների հետ: Մեր հանձնաժողովները պետք է սկսեն աշխատել այս ուղղությամբ»,- նշել է նախագահը՝ Վրաստանի Հանրային հեռարձակողի «Առաջին ալիք»-ին տված հարցազրույցում: