Կիրակի, 26 հունվարի, 2020 թ.
|
Ստեփանակերտում`   -6 °C

1995-ին Մեծ Բրիտանիան առաջարկել է ՌԴ-ին ՆԱՏՕ-ի ասոցիացված անդամ դառնալ․ #Guardian

1995-ին Մեծ Բրիտանիան առաջարկել է ՌԴ-ին ՆԱՏՕ-ի ասոցիացված անդամ դառնալ․ #Guardian
276
Երեքշաբթի, 31 դեկտեմբերի, 2019 թ., 16:35

1995-ին Մեծ Բրիտանիայի պաշտպանության նախարարությունն առաջարկել է Ռուսաստանին ՆԱՏՕ-ի ասոցիացված անդամ դառնալ, որպեսզի նվազեցնի Մոսկվայի դիմադրությունը Դաշինքի ընդլայնման ծրագրերին: Այս մասին ասված է գաղտնազերծված արխիվային փաստաթղթերում, որոնք հրապարակել է The Guardian-ը:
Հրապարակումը մեջբերում է այն ժամանակվա պաշտպանության ժամանակավոր պաշտոնակատար Մալքոլմ Ռիֆկինդի 10 էջանոց առաջարկը, որը նա ներկայացրել է արտաքին քաղաքականության վերաբերյալ կառավարության նիստում: Փաստաթղթում, մասնավորապես, խոսվում է «ՆԱՏՕ-ին ասոցիատիվ անդամակցության նոր կատեգորիայի ստեղծման» հնարավորության մասին: Սակայն Ռուսաստանի վրա չէր տարածվի հավաքական անվտանգության երաշխիքները՝ համաձայն ՆԱՏՕ-ի կանոնադրության 5-րդ հոդվածի, ինչպես նաև չէր ենթադրում Ռուսաստանի Դաշնության ներկայացուցիչների մասնակցությունը Դաշինքի միջազգային ռազմական շտաբի հանդիպումներին կամ վետոյի իրավասությունը ՆԱՏՕ-ի որոշումների կայացման ժամանակ: