Երեքշաբթի, 12 մայիսի, 2026 թ.
|
Ստեփանակերտում`   +16 °C

ԱՄՆ Կոնգրեսը կքննարկի Թրամփի՝ Իրանի դեմ գործողությունները սահմանափակող օրինագիծը

ԱՄՆ Կոնգրեսը կքննարկի Թրամփի՝ Իրանի դեմ գործողությունները սահմանափակող օրինագիծը
1473
Երկուշաբթի, 06 հունվարի, 2020 թ., 13:05

ԱՄՆ Կոնգրեսի Ներկայացուցիչների պալատն այս շաբաթ քվեարկելու է բանաձևի օգտին, որը կոչված է սահմանափակել նախագահ Դոնալդ Թրամփի լիազորությունները՝ Իրանի դեմ ռազմական գործողությունների վերաբերյալ: Այս մասին ասվում է Ներկայացուցիչների պալատի խոսնակ Նենսի Փելոսիի կողմից օրենսդիրներին ուղղված նամակում:

«Այս շաբաթ Ներկայացուցիչների պալատը կներկայացնի և կքվեարկի բանաձևի օգտին, որը կսահմանափակի ԱՄՆ նախագահի կողմից Իրանի դեմ իրականացվող ռազմական գործողությունները: Այս օրինագիծը նման է Սենատում ավելի վաղ ընդունված նախագծին։ Վարչակազմի նախաձեռնած ռազմական գործողություններն Իրանի դեմ պետք է դադարեցվեն 30 օրվա ընթացքում»,- ասվում է նամակում:

Փելոսին իր նամակում շեշտում է, որ ԱՄՆ-ի կողմից Բաղդադի օդանավակայանի հարևանությամբ հասցված հարվածը, որի հետևանքով սպանվեց իրանցի գեներալ Ղասեմ Սուլեյմանին, անհամաչափ էր։ «Այս գործողությունները վտանգեցին մեր զորքերին, դիվանագետներին և այլոց՝ սպառնալով սրել լարվածությունն Իրանի հետ: Կոնգրեսի անդամների մեր հիմնական պարտականությունն է ապահովել ամերիկյան ժողովրդի անվտանգությունը»,- պարզաբանել է Փելոսին:

Կարդացե՛ք նաև