Շաբաթ, 18 հոկտեմբերի, 2025 թ.
|
Ստեփանակերտում`   +13 °C

Սուլեյմանիի մահը Պուտինին կանգնեցնում է ընտրության առաջ. #DeutscheWelle

Սուլեյմանիի մահը Պուտինին կանգնեցնում է ընտրության առաջ. #DeutscheWelle
1324
Երեքշաբթի, 07 հունվարի, 2020 թ., 21:00

Գերմանական հեղինակավոր Deutsche Welle պարբերականը ծավալուն հոդվածով անդրադարձել է իրանական «Ղոդս» հատուկ նշանակության ստորաբաժանման հրամանատար գեներալ Ղասեմ Սուլեյմանիի սպանությանը: Հոդվածագիր Կոնստանտին Էգգերտը գրում է, որ ամերիկացիները կրկին գցեցին Վլադիմիր Պուտինի տրամադրությունը: Դժվար թե Մոսկվային և ողջ աշխարհին թվա, թե այս գործողությունները Դոնալդ Թրամփի նախընտրական քարոզարշավի հիմնական ուղղությունն են:

Գեներալ Ղասեմ Սուլեյմանիի մահը պետք է դրդի Կրեմլին մտածել հետևանքների մասին՝ Մերձավոր Արևելքում իրականացրած քաղաքականության վերաբերյալ: Սուլեյմանիի ոչնչացումը, ում շատերը համարում էին Իրանում «երկրորդ ազդեցիկ գործիչը»՝ հոգևոր առաջնորդ Իրանի գերագույն ղեկավար Այաթոլլա Ալի Խամենեից հետո, նորից պետք է հրահրի Կրեմլում «ռեժիմի փոփոխության» ուրվականին: 2004-ի Ուկրաինայում նարնջագույն հեղափոխությունից հետո այս ուրվականը թափառում է Կրեմլի աշխատակազմի միջանցքներում:

Ամերիկացիներն, իհարկե, երբեք չեն դադարել լինել Ռուսաստանի ղեկավարության աչքում գլխավոր թշնամիները: Բայց ամեն անգամ, երբ Վաշինգթոնն ուժ է կիրառում մեկ այլ «արտաքսված երկրի» դեմ, վախն ու ատելությունը դառնում են հատկապես ընդգծված: Եվ չնայած որ ԱՄՆ-ը չի պատրաստվում և չի կարող փոխել Ռուսաստանի քաղաքական համակարգը, Սուլեյմանիի մահը պետք է հիշեցնի Կրեմլին, որ Ռուսաստանի ռեժիմը սերտ կապ ունի Թեհրանի հետ: Վերջին երկուսի գերագույն նպատակն է՝ որքան հնարավոր է երկար գոյություն պահպանել, բայց այնպես, որ դա թողնի վաշինգթոնյան «համաշխարհային հեգեմոնիայի» հանդեպ տարվող անվերջանալի հաղթանակների տպավորություն: