«Իշխանությունն իր հույզերը բավարարում է ընդդիմախոսների վրա»․ Արթուր Ղազինյան

«2018-ին իշխանության գալուց հետո Նիկոլ Փաշինյանը հայտարարեց, որ ինքը լիազորված չէ բանակցել Արցախի անունից, որն էլ իր համար դարձավ թակարդ։ Սակայն պետք է արձանագրենք, որ մենք պարբերաբար տեսնում ենք ինտենսիվ բանակցություններ»,- «Արմնյուզ» հեռուստաընկերության եթերում ասել է «Մեկ Հայաստան» կուսակցության նախագահ Արթուր Ղազինյանը:
Նրա խոսքով՝ Նիկոլ Փաշինյանի հայտարարությունը՝ «Արցախը Հայաստան է և վերջ», պարզապես հրապարակային էներգետիկայի ազդեցության տակ արված հայտարարություն էր, որին անմիջապես հետևեցին Ադրբեջանի պատասխանները։
Խոսելով ներքաղաքական գործընթացների մասին՝ Արթուր Ղազինյանը նշել է, որ հասարակությունն այժմ լռում է՝ կուտակելով բացասական էներգիան. «Իշխանության կողմից արտադրված բացասական էներգիան հասարակության կողմից ինչ-որ մի պահի, ինչ-որ մի տեղ ժայթքելու է...: Քաղաքական ընդդիմախոսների վրա իշխանությունը բավարարում է իր հույզերը՝ ոստիկանությունն էլ դարձնելով դրանց բավարարման գործիք»,-ասել է նա:

Մանրամասները՝ տեսանյութում: