«Կապ չունի որ փուլում, բայց հանրաքվեի դրվող նախագիծը պետք է ստանա ՍԴ գնահատականը». Արփինե Հովհաննիսյան
 91 Հինգշաբթի, 06 փետրվարի, 2020 թ., 16:00 ԱԺ նախկին փոխնախագահ, Արդարադատության նախկին նախարար Արփինե Հովհաննիսյանը ֆեյսբուքյան իր էջում գրել է. «Հարգելի իմ քայլական պատգամավորներ, «գովելի» է ձեր՝ իրավական խնդիրներ առաջացնելու և հետո դրանք լուծելու մեծ նվիրումը, սակայն փոխադարձ «սիրո և հանդուրժողականության» մթնոլորտում առաջարկում եմ անել թեթև մտավարժանք։ Մի պահ ամբողջովին մոռացեք «Ազգային ժողովի կանոնակարգ» ՀՀ օրենքի 86-րդ հոդվածը։ (Ի դեպ, ընդդիմադիրներին ևս առաջարկում եմ սա մի կողմ դնել) Մոռացա՞ք։ Հիմա բացեք ՀՀ Սահմանադրությունը և կարդացեք Սահմանադրության 168-րդ հոդվածը, որը նշում է՝ Հիմա անցնենք մտավարժանքի երկորդ փուլին։ Փորձեք համադրել այս երկու հոդվածները։ Ի՞նչ ստացաք համադրության արդյունքում։ Այո՛, դուք ստացաք այն պատասխանը, որ կապ չունի, թե որ փուլում՝ առաջին ընթերցում, (առաջ թե հետո) երկրորդ ընթերցում (առաջ թե հետո), թե Արմեն Սարգսյանի ստորագրությունը դնելուց վայրկյաններ առաջ հանրաքվեի դրվող նախագիծը ՊԵՏՔ Է ՍՏԱՆԱ ՍԴ գնահատականը։ Կարող է մի պահ բարբառեք, թե չի կարող ՍԴ քննել հենց իր դատավորների լիազորությունների դադարեցման հարցը, սրա պատասխանն էլ կա, կարդացեք Վենետիկի հանձնաժողովի դիրքորոշումները՝ ի դեպ ամենևին ոչ Հայաստանի մասով (ցանկության դեպքում կարող եմ հուշել)։ |
