Երկուշաբթի, 24 փետրվարի, 2020 թ.
|
Ստեփանակերտում`   +3 °C

Միջազգային դիտորդները քննադատել են Ադրբեջանում տեղի ունեցած ընտրությունները

Միջազգային դիտորդները քննադատել են Ադրբեջանում տեղի ունեցած ընտրությունները
252
Երեքշաբթի, 11 փետրվարի, 2020 թ., 16:45

Ադրբեջանում խորհրդարանական արտահերթ ընտրություններն ուղեկցվել են բազմաթիվ խախտումներով: Այս մասին հայտարարել են միջազգային դիտորդները: Վերջիններն արձանագրել են, մասնավորապես, ձայների հաշվարկման և արդյունքների վերաբերյալ խախտումներ: Բացի այդ, դիտորդները պնդել են, որ քվեաթերթիկները զանգվածաբար նետվել են քվեատուփերի մեջ: Առաքելությունը նշում է, որ իրական մրցակցությանը խոչընդոտել է ընդհանուր քաղաքական միջավայրը և օրենսդրությունը:
Խորհրդարանական ընտրություններն Ադրբեջանում պետք է անցկացվեին 2020 թվականի նոյեմբերին, բայց 2019-ի դեկտեմբերին նախագահ Իլհամ Ալիևը հայտարարեց, որ արտահերթ ընտրությունները տեղի կունենան խորհրդարանի լուծարումից հետո:

Ընդդիմությունն այս ընտրություններն անվանել է ֆարս, որը միայն կամրապնդի Ալիևի իշխանությունը: