«Թուրքիան որևէ դերակատարում չի կարող ունենալ ԼՂ բանակցային գործընթացում». Զ. Մնացականյան

277

Չորեքշաբթի, 04 մարտի, 2020 թ., 17:05

«2 օր առաջ ԵԱՀԿ ՄԽ համանախագահները հանդիպել էին Թուրքիայի ԱԳ նախարարության հետ, քննարկել ԼՂ հիմնախնդիրը: Արդյոք մեր արտգործնախարարությունը տեղյա՞կ է եղել նման հանդիպման մասին, որո՞նք են մեր քայլերը խնդրի պարզաբանման հետ կապված»,- ԱԺ-Կառավարություն հարցուպատասպանի ժամին դիմելով ՀՀ ԱԳ նախարարին՝ հարցրեց ԼՀԿ-ական Տարոն Սիմոնյանը: «Համանախագահներն ունեն իրենց աշխատանքային պլանը, արտառոց ոչինչ չկա, մենք համանախագահների հետ աշխատում ենք փոխվստահության պայմաններում, շատ լավ գիտենք այդ պլանի մասին ու գիտենք նաև, թե ինչպես են նրանք աշխատում: Միգուցե տարբերությունը նրանում էր, որ եղավ մեկնաբանություն Թուրքիայի կողմից, որի մեջ էլ չկար որևէ բան, և որը նախկինում էլ էինք լսել, ու մենք հանդես եկանք մեր հայտարարությամբ: Թուրքիան չի կարող որևէ դերակատարում ունենալ բանակցային գործընթացում»,- ասաց Զ. Մնացականյանը:

Պատգամավորը նշեց՝ «Ձեր հանգստությունը կկիսեի, եթե տարածաշրջանային իրադարձությունների բովում տեղի չունենար դա»: Ի պատասխան՝ նախարարն ասաց. «Իմ պատասխանն առավել քան հստակ էր: Եթե սպասում եք, որ բարձրաձայնումը պիտի դրդեր բղավելու, ապա՝ ո՛չ»: