«Քոչարյանը, ՀՀԿ-ն՝ Սերժ Սարգսյանի գլխավորությամբ ու ՀՅԴ-ն բայղուշությամբ են զբաղված». Վիգեն Խաչատրյան

«Առաջին լրատվական»-ի եթերում անդրադառնալով սահմանադրական հանրաքվեին՝ քաղաքագետ, ԱԺ նախկին պատգամավոր Վիգեն Խաչատրյանը ասել է. «Իրականում սա հեղափոխության շարունակությունն է: Դատական համակարգը, այդ թվում նաև ՍԴ-ն, պետք է առողջացվի: Այս ՍԴ-ն վտանագավոր է, որովհետև սահմանադրական արդարադատություն իրականացնելու փոխարեն կարող է դառնալ գործիք՝ պաշտպանելու հանցագործ իշխանություններին պատասխանատվությունից: Ռոբերտ Քոչարյանի դեպքում դատավորը կանգնեցրեց ընթացքը և դիմեց ՍԴ, դա Քոչարյանի համար փրկօղակ էր՝ գործը կասեցնելու համար: ՍԴ այս անդամներին պետք է հրաժեշտ տանք: Քոչարյանը, ՀՀԿ-ն՝ Սերժ Սարգսյանի գլխավորությամբ ու ՀՅԴ-ն բայղուշությամբ են զբաղված: Այս հանրաքվեն մեզ կփրկի խեղկատակությունից»:

Անդրադառնալով երկրում դավաճանական ցանցի առկայությանը և Նիկոլ Փաշինյանի՝ վրաստանյան այցի ժամանակ արած հայտարարությանը՝ Վիգեն Խաչատրայնը նշել է. «Պետության ղեկավարը մեզ՝ բոլորիս ցույց է տալիս, որ կա խնդիր կառավարման համակարգում, և երբ որ խոսում է դավաճանների մասին, դեմագոգներ են առաջ գալիս՝ դե, անունները տո՛ւր: Դուք չգիտե՞ք այդ անունները: Մարդն ասում է՝ չպետք է դա անել, շուռ եկեք, ծառայե՛ք այս իշխանությանը: Այս դատական համակարգում անորոշություն է, և ոհմակներով հարձակվել են»:

Մանրամասները՝ սկզբնաղբյուրում: