«Ընտրություններ անցկացնելը ցանկությամբ չէ, սահմանադրության պահանջ է»․ Արցախի պարետ

Արցախում նախագահական ընտրությունների երկրորդ փուլի քվեարկությունից հետո Արցախի պարետ, պետնախարար Գրիգորի Մարտիրոսյանը լրագրողների հետ զրույցում պատասխանելով հարցին՝ ռիսկային չէ՞ այս պայմաններում ընտրություններ անցկացնելը, ասել է․ «Կարող ենք ինքներս գնահատել՝ պահպանված են բոլոր պայմանները, կուտակումներ նույնպես չկան․․․ Ընտրություններ անցկացնելը որևէ մեկի ցանկությամբ չէ, այլ սահմանադրության պահանջ է։ Երկրի նախագահը տվյալ դեպքում իրավասու չէ հետաձգել անցկացումը կամ կիրառել այլ ռեժիմ՝ բացի նրանից, ինչ հիմա կիրառված է»։

Հիշեցնենք՝ այսօր ընտրություն է ընթանում մարտի 31-ին առավելագույն քվե ստացած երկու թեկնածուների՝ Արայիկ Հարությունյանի և Մասիս Մայիլյանի միջև։