Սաակաշվիլին գործարք է առաջարկում Վրաստանի իշխանություններին

Վրաստանի նախկին նախագահ Միխեիլ Սաակաշվիլին պաշտոնական Թբիլիսիին առաջարկել է գործարք կնքել: Այս մասին նա հայտարարել է Мтавари архи հեռուստաընկերության եթերում։
Եթե իշխանությունները նրան Վրաստանի ներկայացուցչի ժամանակավոր կարգավիճակ տան և մինչև աշուն հետաձգեն նրա դեմ գործերի քննությունը, ապա արտասահմանյան գործընկերներից մոտ 5,5 միլիարդ դոլար ներդրում կբերի՝ կորոնավիրուսի համավարակի պատճառով տնտեսությանը հասցված վնասը վերականգնելու համար: Սաակաշվիլին հավելել է, որ պատրաստ է աջակցության համար դիմել եվրոպական մայրաքաղաքներին․ միջազգային ֆինանսական կազմակերպություններում շատերին է ճանաչում և ծանոթ է գրեթե բոլոր քաղաքական գործիչների հետ: