«Տասնյակ խորհրդարաններ են ճանաչել Հայոց ցեղասպանությունը, սակայն դրանք մեր վերքը չեն ապաքինել»․ Փայլան

Ցանկացած չլուծված հանցագործություն կարող է կրկնվել, և դա վերաբերում է ոչ միայն հայերին, այլև ցանկացած ժողովրդի: Այս մասին Evrensel-ին տված հարցազրույցում ասել է Թուրքիայի խորհրդարանի հայազգի պատգամավոր Կարո Փայլանը:
Նա հիշեցրել է, որ Հայոց ցեղասպանության համար պատասխանատու երիտթուրք ղեկավարներից Թալեաթի և Էնվերի անուններով դեռ պողոտաներ ու զբոսայգիներ կան Թուրքիայում։

Անդրադառնալով այլ երկրների խորհրդարանների կողմից Հայոց ցեղասպասպանության մասին բանաձևերի ընդունմանը՝ Թուրքիայի խորհրդարանի պատգամավորը նշել է. «Այդ ամենը մեր վերքերը չեն ապաքինում։ Անհրաժեշտ է, որ մեր երկրի խորհրդարանում այդ հարցը քննարկվի»,- հայտնել է Կ. Փայլանը: