Անի պատմական մայրաքաղաքի դիմաց վեր խոյացավ հայոց եռագույնը

Այսօր Շիրակի մարզում՝ հայոց պատմական Անի մայրաքաղաքի դիմաց, հայ-թուրքական սահմանի մոտ, բարձրացվել է հայոց եռագույնը, կանգնեցվել է խաչքար։ Այս մասին ֆեյսբուքյան ուղիղ եթերում հայտնել է Շիրակի մարզպետ Տիգրան Պետրոսյանը։

«Հիմա գտնվում ենք Անի պատմական մայրաքաղաքի դիմաց: Այսօր շատ խորհրդանշական, կարևոր օր է։ Անիի դիմաց ծածանվում է հայկական եռագույնը»,- նշել է Տիգրան Պետրոսյանը։

21 մետր բարձրության վրա տեղադրված դրոշն ունի 10 մետր երկարություն և 5 մ լայնք: Տեղադրված խաչքարն օծվել է: