Թուրքիան Սիրիայում անցել է հարձակման

Թուրքիան անցած գիշերվանից Սիրիայում անցել է հարձակման։ Գրոհներն իրականացվել են M4 մայրուղու մոտ՝ Իդլիբ նահանգի Նաիրաբ գյուղի մոտակայքում: Այս մասին հայտնում է Известия-ն՝ հղում անելով իրավիճակին ծանոթ աղբյուրներին: Մի քանի ավիահարվածներ իրականացվել են Խայաթ Թահրիր ալ-Շամի հենակետերում: Հրապարակման համաձայն՝ Իդլիբում մարտերի ինտենսիվությունը կտրուկ աճել է թուրքական զինված ուժերի կողմից տարածաշրջանում հակամարտության դեսկալացիոն գոտում Ռուսաստանի հետ մարտին կնքված պայմանագրի շրջանակներում, երբ թուրքական կողմը հերթական անգամ փորձել է ապաշրջափակել M4 մայրուղին, որը մասամբ արգելափակված է տեղի բնակիչների կողմից՝ զինյալների աջակցությամբ:

Թեմայի վերաբերյալ ֆեյսբուքյան իր էջում գրառում է կատարել նաև քրդագետ, թուրքագետ Կարեն Հովհաննիսյանը․ «Թուրքիան Սիրիայում հարձակում է իրականացրել հիմնականում Քոբանիի շրջանում անօդաչու թռչող սարքերի միջոցով, ինչպես նաև հրթիռակոծության է ենթարկել քրդական ներքին անվտանգության անցակետը Քոբանիում:
Սիրիայի դեմոկրատական ուժերը կոչով դիմել են Առողջապահության համաշխարհային կազմակերպությանը՝ Թուրքիային պարտադրելու հումանիտար հրադադարի, քանի որ Քոբանիում ևս պայքար է մղվում թագավարկի դեմ»: