Վրաստանը մտավախություն ունի Ուկրաինայի հետ հետագա հարաբերությունների առումով

Վրաստանի նախագահ Սալոմե Զուրաբիշվիլին անհանգստություն է հայտնել Թբիլիսիի և Կիևի միջև հարաբերությունների վերաբերյալ՝ կապված Միխեիլ Սաակաշվիլիի՝ Ուկրաինայի փոխվարչապետի պաշտոնում հնարավոր նշանակման հետ: Զուրաբիշվիլիի հայտարարությունը հրապարակվել է նախագահի պաշտոնական կայքում:

«Վրաստանը և Ուկրաինան ռազմավարական գործընկերներ են: Մեր համագործակցությունը հիմնված է ժողովուրդների միջև դարավոր բարեկամության, ընդհանուր շահերի, փոխադարձ հարգանքի վրա: Չնայած դրան, մեր գործընկերը ցանկություն է հայտնել բարձր պաշտոնի նշանակել մի մարդու, ով իշխանության երեք ճյուղերի կողմից մեղավոր է ճանաչվել Վրաստանում։ Այս քայլը հարուցում է հիմնավորված տագնապ»,- հայտնել է Զուրաբիշվիլին:
Նա շեշտել է, որ տեղյակ է այլ պետության ներքին գործերին և կադրային քաղաքականությանը միջամտելու անթույլատրելիության մասին, սակայն, համարում է՝ «անընդունելի և անհասկանալի» Սահակաշվիլիի նման մարդուն նման պաշտոնի նշանակելը։
«Անհնար է պատկերացնել, թե ինչ կստանան Վրաստանը կամ Ուկրաինան, երբ մեր երկրների ճանապարհները բաժանվեն, մեր միասնությունը թուլանա, վատթարանան միջպետական հարաբերությունները, անտեսվեն մեր ինստիտուտները»,- հավելել է Վրաստանի նախագահը: