Արդյո՞ք համավարակը կփլուզի Եվրոմիությունը

Համաճարակի բռնկման սկզբնական փուլում Եվրոմիությունում բացակայում էր գործողությունների համակարգումը, սակայն այժմ Բրյուսելն ու միության անդամ մյուս երկրները միասին են աշխատում: Այս մասին հայտնել է ԵՄ Բարձր ներկայացուցիչ, Եվրոհանձնաժողովի փոխնախագահ Ժոզեպ Բորելը: «Եվրոմիությանը մեղադրելը առաջացած բոլոր խնդիրների մեջ՝ տարածված մարտավարություն է, որին դիմում են երբեմն նաև միության անդամ երկրները: Փաստ է, որ համաճարակի բռնկման սկզբնական փուլում ԵՄ ներսում գործողությունները չունեին համախմբվածություն: Այնուամենայնիվ, այժմ մենք հանդես ենք գալիս համախմբված և հաջողությամբ պայքարում ենք կորոնավիրուսի և դրա հետևանքների չեզոքացման՝ ինչպես մեր սահմաններում, այնպես էլ մեր հարևանների հետ միասին»,- նշել է Բորելը: