Վիլյամ Սարոյանի մասին Թուրքիայում նկարահանված ֆիլմն արդեն հասանելի է համացանցում
 107 Ուրբաթ, 01 մայիսի, 2020 թ., 01:05 Հրանտ Դինք եղբոր՝ Խոսրովի դստեր՝ ռեժիսոր Լուսին Դինքի «Սարոյանի երկիրը» ֆիլմն արդեն հասանելի է համացանցում։ 2013թ․ Թուրքիայում ստեղծված փաստագեղարվեստական այս ֆիլմը պատմում է անվանի ամերիկահայ գրող Վիլյամ Սարոյանի հայրենիքի կարոտի, դեպի հայրենի Բիթլիս կատարած ուղևորության և այդ հողերում նախկինում եղած իրադարձությունների մասին։ 20-րդ դարի համաշխարհային գրականության մեջ իր զգալի ներդրումն ունեցած Սարոյանը փորձում է գտնել «Որտե՞ղ է մարդու երկիրը» հարցի պատասխանը, գրում է Ermenihaber-ը։ «Սարոյանի երկիրը» ֆիլմը սկսվում է 1900-ականների սկզբին մեծ գրողի ընտանիքի գաղթի պատմությամբ։ Ապա ներկայացվում է նրա այցը Թուրքիա՝ դեպի Էրզրում, Աղրը, Վան և հայրենի Բիթլիս։ Ֆիլմում օգտագործվել են ինչպես Սարոյանի ընկերների վկայությունները, այնպես էլ նրա ստեղծագործությունները, մոր և հոր պատմած պատմությունների հիման վրա գրի առնված հուշագրությունները, որոնցում արտացոլված է հայրենիքի նկատմամբ կարոտը, խանդավառությունը սերը, վիշտը, հույսն ու հուսահատությունը։ Սարոյանի մայրը նրան միշտ ասել է, որ մարդիկ Բիթլիսում երեք լեզվով են խոսել․ «Քրդերենը՝ սրտի, թուրքերենը՝ երաժշտության, հայերենը ցավի ու վշտի լեզու է»։ Saroyan Ülkesi/ TR from Nar Film on Vimeo. |
1927թ. այս օրը ծնվել է Ֆրունզե Դովլաթյանը (լուսանկար)
45726.05.2020, 11:40
«Հին Գյումրի» նամականիշը ներկայացվել է «Եվրոպա» ամենամյա մրցույթին
38224.05.2020, 18:10
Այսօր Արմեն Խոստիկյանի ծննդյան օրն է (լուսանկար)
46222.05.2020, 10:45
«Մենք ծնվել ենք, որպեսզի մեռնենք, սակայն մինչ այդ պետք է ապրել». այսօր Շառլ Ազնավուրի ծննդյան օրն է (լուսանկար, տեսանյութ)
12722.05.2020, 09:40