«Պարզվում է՝ Մեծ Բրիտանիայի վարչապետը թուրքական ծագում ունի». Նաիրի Հոխիկյան

Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է. «Պարզվում է՝ Մեծ Բրիտանիայի վարչապետ Բորիս Ջոնսոնը թուրքական ծագում ունի։

Այդ մասին հայտնել է The Algemeiner պարբերականը։ Հոդվածում նշվել է, որ Ալի Քեմալ անունով լրագրողը (Ջոնսոնի պապի հայրը) ավելի ուշ զբաղվել է նաև դիվանագիտությամբ, ակտիվ պայքարել է Թուրքիայում ժողովրդավարություն հաստատելու համար։

1909 թվականին մեկնել է Մեծ Բրիտանիա և ամուսնացել անգլուհու հետ։

Հայոց ցեղասպանության տարիներին հանդես եկել քննադատությամբ՝ ուղղված երիտթուրքերի կառավարությանը, փորձել օգնել հայ գաղթականներին։

1922 թվականին Ալի Քեմալին սպանել են թուրք ազգայնամոլները և մնացել անպատիժ։

Իհարկե, հեռու եմ այն մտքից, որ Բորիս Ջոնսոնի համար այս պատմությունը կարող է կարևոր նշանակություն ունենալ այնքան, որ մասնակցի Հայոց ցեղասպանության միջազգային ճանաչման գործընթացին, թեկուզ հանուն իր նախապապի հիշատակի։ Բայց պատմական փաստերն անժխտելի են»: