Արամ Օրբելյանը՝ «Յուքոմ»-ի տնօրենի բնակարանում խուզարկության մասին

«Յուքոմ» ընկերության նոր տնօրեն Արա Խաչատրյանի բնակարանում և ավտոմեքենայում տեղի ունեցած խուզարկությունից առգրավել են մի շարք փաստաթղթեր և նրա աշխատանքային համակարգիչը: Այդ մասին հայտնել է փաստաբան Արամ Օրբելյանը: Ըստ նրա՝ համակարգչի առգրավումը չի բխում դատարանի ձևակերպումից, որտեղ միայն փաստաթղթերի մասին է գրված: Փաստաբանը նշել է, որ այդ ամբողջ գործընթացը կապ ունի Ֆինանսների նախկին նախարար Գագիկ Խաչատրյանի հանդեպ հարուցված քրեական գործի հետ:
«Սա ինչ-որ գործընթաց է՝ կապված «Յուքոմի» բաժնետերերի միջև առկա վեճերի հետ»,- ասել է նա: Օրբելյանն այլ մանրամասներ չի հայտնել՝ փաստարկելով նախաքննական գաղտնիքի առկայության հանգամանքը: