Տուժող կողմին թույլ չտվեցին հարցեր տալ նախկին վարչապետներին

Երևանի ընդհանուր իրավասության դատարանում՝ դատավոր Աննա Դանիբեկյանի նախագահությամբ մայիսի 8-ին տեղի է ունենում սահմանադրական կարգի տապալման մեջ մեղադրվող Ռոբերտ Քոչարյանի գործով հերթական նիստը։ Դատական նիստերի դահլիճ հրավիրվեցին խափանման միջոցը փոխելու անձնական երաշխավորություն ներկայացրած ՀՀ նախկին վարչապետներ Խոսրով Հարությունյանը, Վազգեն Մանուկյանը, Կարեն Կարապետյանը:

Երաշխավորություն ներկայացրած նախկին վարչապետները ստորագրեցին երաշխավորության փաստաթուղթը: Տուժող կողմերի ներկայացուցիչները նրանց հարցեր տալու ցանկություն հայտնեցին, սակայն դատավորն ասաց, որ նման ընթացակարգ նախատեսված չէ: Փաստաթուղթը ստորագրելուց հետո նրանք դուրս եկան դահլիճից: