Հինգշաբթի, 03 հուլիսի, 2025 թ.
|
Ստեփանակերտում`   +17 °C

«Սկսում ենք երկփուլ, եռափուլ պրոցես». վարչապետը՝ վեթինգի մասին

«Սկսում ենք երկփուլ, եռափուլ պրոցես». վարչապետը՝ վեթինգի մասին
516
Երկուշաբթի, 11 մայիսի, 2020 թ., 20:30

«Դատական համակարգում առողջացման գործընթաց ենք սկսում և մեր հիմնական տրամաբանությունն ու գաղափարախոսությունն այն է, որ քաղաքացիական հասարակությունը, դատական համակարգը և կոռուպցիայի կանխարգելման հանձնաժողովը, որն անկախ մարմին է, պատրաստ լինեն»,- Արդարադատության նախարար Ռուստամ Բադասյանի հետ վեթինգի իրականացման գործընթացի շուրջ քննարկման ժամանակ ասաց ՀՀ վարչապետ Նիկոլ Փաշինյանը:

«Դատական համակարգում այդ պրոցեսներն սկսվելու հետ կապված ասեմ, որ այստեղ կա հավանականություն, որ դա մեր հանրության համար ցանկալի արդյունքը չի տա, բայց պետք է ասենք, որ մենք երկրորդ գործիքն ունենք՝ առաջիկայում կայանալիք Սահմանադրական փոխությունները, և այդ փոփոխություններով մենք ավելի շատ պատրաստ կլինենք, որպեսզի հարյուր տոկսով երաշխավորենք նոր անկախ դատական համակարգի հաստատումը»,- շարունակեց վարչապետը՝ մանրամասնելով, որ երկփուլ, եռափուլ պրոցես են սկսում:

Ըստ նրա՝ նույնը վերաբերում է նաև «Ապօրինի գույքի բռնագանձման մասին» օրենքին, որի մասով լուրջ հետաքննություն պետք է տեղի ունենա: «Պետք է տեղի ունենա 20 տոկոս կոմպրոմիսի հնարավորություն, բայց՝ ոչ բոլոր դեպքերում: Կարևոր է արձանագրել, որ այս գույքերի վերադարձը որևէ կերպ, եթե հընթացս քրեական վարույթ կա, ազդեցություն չի ունենալու այդ քրեական վարույթի վրա: Այսինքն, քրեական գործն առանձին թեմա է, ապօրինի գույքի վերադարձը՝ առանձին»:

Փաշինյանը նշեց, որ այս գործըթացը Հայաստանի համար աննախադեպ է, քանի որ նախկինում չեն արել նման բան. «Ընթացքում պետք է հասկանանք, թե դրանք որքանո՞վ են արդյունավետ և ընթացիկ կառավարամամբ դրանց արդյունավետությունը մեծացնենք»:

Մանրամասները տեսանյութում:

Կարդացե՛ք նաև