Ադրբեջանում կանցկացվեն լայնամասշտաբ զորավարժություններ

Մայիսի 18-ից 22-ն Ադրբեջանում կանցկացվեն լայնամասշտաբ զորավարժություններ, որոնց կմասնակցեն 10 հազար զինծառայող, շուրջ 120 միավոր տանկ և զրահատեխնիկա, տարբեր տրամաչափերի մինչև 200 հրթիռահրետանային համակարգեր, ականանետեր, բանակային ավիացիայի մինչև 30 միավոր նմուշներ, տարբեր նշանակության անօդաչու թռչող սարքեր: Այդ մասին հայտնում է РИА Новости-ն՝ հղում անելով Ադրբեջանի պաշտպանության նախարարությանը։ Զորավարժությունների ընթացքում կմշակվեն մարտական պատրաստվածության, տարբեր ստորաբաժանումների ղեկավար խմբերի միջև համագործակցության հարցեր, կստուգվեն զորավարժությունների պայմաններում ստեղծված հարվածային խմբերի կրակային և մանևրելու հնարավորությունները: