Նիկոլ Փաշինյանը՝ Միքայել Մինասյանի հայտարարությունների մասին

ՀՀ վարչապետ Նիկոլ Փաշինյանն այսօր՝ ասուլիսի ժամանակ անդրադառնալով Վատիկանում ՀՀ նախկին դեսպան, Սերժ Սարգսյանի փեսա Միքայել Մինասյանի այն հայտարարությանը, ըստ որի՝ Արթուր Վանեցյանի միջնորդությամբ իրեն գործարք է առաջարկվել, ասաց, որ այդ հարցով պետք է զբաղվեն իրավապահ մարմինները. «Կա նաև այսպիսի մի հանգամանք. ես ասել եմ, որ իմ հրապարակային և ոչ հրապարակային հայտարարություններն իրարից չեն տարբերվում, առավել ևս՝ կոռուպցիայի դեմ պայքարի հարցում չեն կարող իմ հրապարակային հայտարարությունները տարբերվել ոչ հրապարակային և աշխատանքային հայտարարություններից: Դա հարց է, որի պատասխանը պետք է տան իրավապահները»,- հայտնեց Փաշինյանը: