Հինգշաբթի, 18 սեպտեմբերի, 2025 թ.
|
Ստեփանակերտում`   +15 °C

«ԱԺ-ում տեղի ունեցածի համար ամոթի զգացողություն ունեմ»․ Հրայր Թովմասյան

«ԱԺ-ում տեղի ունեցածի համար ամոթի զգացողություն ունեմ»․ Հրայր Թովմասյան
796
Երեքշաբթի, 23 հունիսի, 2020 թ., 13:00

«Էն սահմանադրությամբ, որի գրմանը մասնակցել եմ, պետք է սահմանադրական փոփոխությունները ենթարկվեն նախնական սահմանադրական վերահսկողության, ՍԴ-ն այդպիսի նախագիծ չի քննարկել»,- լրագրողների հետ զրույցում հայտարարեց ՍԴ նախագահ Հրայր Թովմասյանը՝ անդրադառնալով ԱԺ ընդունած նախագծին։

«Ինչ վերաբերում է քաղաքական գնահատականներին, մեծ զսպվածություն ցուցաբերելով, որպես իրավաբան ասեմ՝ երեկ ԱԺ-ում տեղի ունեցածի համար ամոթի զգացողություն ունեմ»,- հավելեց Թովմասյանը։

Հիշեցնենք՝ Ազգային ժողովը երեկ ընդունեց Սահմանադրության փոփոխությունների նախագիծ, որի համաձայն՝ Սահմանադրության 213-րդ հոդվածի փոփոխություններն ուժի մեջ մտնելու պահից Հրայր Թովմասյանը կդադարի պաշտոնավարել որպես բարձր դատարանի նախագահ, բայց կմնա ՍԴ անդամ։ 12 տարուց ավելի պաշտոնավարած ՍԴ երեք անդամները՝ Հրանտ Նազարյանը, Ֆելիքս Թոխյանը և Ալվինա Գյուլումյանը, կուղարկվեն թոշակի։