Ովքե՞ր կարող են օգտվել Կառավարության աջակցության 22-րդ միջոցառումից

ՀՀ աշխատանքի և սոցիալական հարցերի նախարար Զարուհի Բաթոյանը ներկայացրեց կորոնավիրուսի տնտեսական հետևանքների չեզոքացման 22-րդ միջոցառման ծրագիրը։ Միջոցառման շահառու են հանդիսանում ՀՀ այն քաղաքացիները, ովքեր առնվազն 85 օրացուցային օր աշխատանքային պայմանագիր կամ աշխատանքի ընդունման մասին անհատական իրավական ակտի հիմնա վրա աշխատանքային հարաբերությունների մեջ են գտնվել գործատուի հետ՝ 2020թ․ հունվարի 1-ից մինչև 2020թ․ մարտի 30-ը, սակայն ազատվել են աշխատանքից՝ մարտի 31-ից մինչև հունիսի 1-ը և չեն անցել այլ աշխատանքի։ Աջակցությունը տրամադրվում է միանվագ՝ նվազագայույն աշխատավարձի չափով։ Նախարարը նշեց, որ ցանկում կան բացառություններ։